نرجع لحجايتنا ..منذ عام 2003 مااعرف شنو القصة ولا واحد من ذوله الشياطين مات رغم انه كل امراض الدنيا بيهم لذا  لم يبق لنا الا ان ندعو الله الجبار العزيز ان يسلط عليهم  عزرائيل عليه السلام  وياخذ روحهم ويخلص العراقيين منهم .. نوري المالكي هو صارت  عنده جلطه بسيطة .. جلطة ثانيه ويسهل ويمشي ونخلص .. ونسال عزرائيل ان يمر على النجيفي وهذا هم سهله يكولون عنده كولسترول عالي من اكل القوزي و ( الليه ) هذا هم ينراد يسهل   ويمشي ..  اما عدنان الدليمي هذا كل امراض الدنيا بيه هم باركنسن وشرايين واكفه ..  بثانية ويسلمها اصلا اهله حاجزين قاعة للفاتحة ينتظرون وفوكاها يريد يصير رئيس جمهورية السنة .. ويارب احنا نتظر جلال طالباني هوايه تاخرت شغلته من ثلاث سنين ونحن ننتظر وبلكت بنفس اليوم  وياه معصوم حتى نقتصد بمراسيم التشييع وناخذ يوم واحد عطلة .. واكو واحد صار عمره قرن عدنان الباجه جي وينتظر يريد يصير رئيس جمهورية العراق يارب سهل امره .. هوشيار يمكن سهل امره اكيد عنده ايدز لو امراض نسائيه هم بلكت نخلص منه دمر العراق .. وصالح المطلك اكيد عنده تشمع بالكبد من شرب العصير هذا هم بسيطة امره هو وروز شاويس هم كبده تعبان وراسه كوي ( قوي ) مثل الحجارة  .. ويارب خلصنا من محمود المشهداني هذا يكولون عنده كويلات براسه هوايه يعني اي فيوز يسلمها .. وياعزرائيل لاتنسى عادل عبد المهدي كم مرة الاطباء الفرنسيين حذروا من الفياغرا لكن ما يفيد وياه الا يعيين سكرتيرة لبنانية حلوة يعني هذه هم عنده شرايين واكفه بالقلب ياالله .. خو اياد علاوي عنده فقرات وروماتزم يعني العذر موجود روماتزم بالقلب ونخلص لان ما افتهمنه كلشي منه ... اما الجلبي سبب دمار العراق والله اني سمعت صحته زينه ويمكن هم مثل هوشيار عنده امراض نسائية على كل حال ..   عند رب العالمين سهلة يتزحلك بكشر موز ويموت ونخلص  .. ويارب لاتنسى عبعوب ان شاء يوكع بالمجاري ويغرك ويموت ولو خسارة للعالم لكن يخلص العراق .. واكو شباب يارب بقدرتك تخلصنا منهم  اولهم بهاء الاعرجي  هذا يسموه قارون يعني تكدر بقدرتك تخسف بيه الارض .. ولازم ننطي الناس حقها اكو واحد رافع العيساوي صحته زينه لكن عزرائيل يكدر ياخذ روحه ويخلصنا وهذا هم يريد يصير رئيس اقليم الرمادي ويصيحوله سيادة الرئيس ...نسينا احد .. اي مسعود البرزاني  تعب العراقيين هم خلصنا يارب  وسهل امره فانه طغى مثل فرعون  .. واكو واحد قشمر العراقيين وكللهم اكو نبي ظهر بالعراق اسمه المالكي وبعدين طلع كذب .. وهو هم كال لا  المالكي شيطان وهذا اسمه ابراهيم الصميدعي هم ندعوا يارب سهل امره وخلصنا من هذه الشكولات المنافقين  .. يارب اسالك ان تغفر لي كلامي هذا ولكن لم يبق لنا امل في الحياة بسبب هؤلاء الابالسه دمروا العراق ... سرقوه... قتلوا  الابرياء .. لقد طغوا يارب نسالك ان تسلط عليهم باسك الشديد يارب ان عدد كل هؤلاء الابالسة لايتعدى ثلاثة الاف شخص بقدرتك خلصنا منهم جميعا واذا نسيت ذكر احد فيارب  لايخفى عليك شيء ..